影片
更多
2025-06-05
137 浏览
我地點左蒜香雞中翼（4隻），一上枱已經聞到香噴噴嘅蒜香味。雞翼炸到金黃酥脆，外層有微微蒜粒黏住，入口即刻爆香，雞肉嫩滑唔鞋口，食落一啲都唔油膩。🍗泰式燒豬頸肉切得厚薄適中，帶住微微焦邊，咬落有彈性之餘又保持到油香。肉味香濃，唔會太乾。🐷火山骨湯麵一上枱就吸引晒大家目光，大大條骨，果然名副其實。肉質軟腍入味，湯底濃郁帶微辣。🔥再黎香葉肉碎煎蛋飯，真係食得出泰國街頭風味。打拋牛肉炒得夠香，香葉味濃郁，牛肉唔鞋又夠多汁，最正係個煎蛋，邊脆同流心，撈埋白飯一齊食簡直一流。🥚甜品方面，芒果糯米飯係經典唔會出錯之選，芒果夠熟夠甜，切得靚仔，糯米飯煙韌香口，椰漿淋得啱啱好，唔會太滯，甜甜地包住成餐飯，超級療癒。🥭飲品就選咗泰式龍眼冰，一杯落去成堆龍眼肉，真材實料，甜度岩岩好唔造作。飲落清甜解辣，啱晒食完火山骨嗰啲重口味之後嚟一杯收尾，啖啖果肉超滿足。🧊
泰式燒豬頸肉切得厚薄適中，帶住微微焦邊，咬落有彈性之餘又保持到油香。肉味香濃，唔會太乾。🐷
火山骨湯麵一上枱就吸引晒大家目光，大大條骨，果然名副其實。肉質軟腍入味，湯底濃郁帶微辣。🔥
再黎香葉肉碎煎蛋飯，真係食得出泰國街頭風味。打拋牛肉炒得夠香，香葉味濃郁，牛肉唔鞋又夠多汁，最正係個煎蛋，邊脆同流心，撈埋白飯一齊食簡直一流。🥚
甜品方面，芒果糯米飯係經典唔會出錯之選，芒果夠熟夠甜，切得靚仔，糯米飯煙韌香口，椰漿淋得啱啱好，唔會太滯，甜甜地包住成餐飯，超級療癒。🥭
飲品就選咗泰式龍眼冰，一杯落去成堆龍眼肉，真材實料，甜度岩岩好唔造作。飲落清甜解辣，啱晒食完火山骨嗰啲重口味之後嚟一杯收尾，啖啖果肉超滿足。🧊
张贴
