A.T.A.S

营业中

休息中

我好耐都無食新加坡菜啦！香港嘅馬來西亞菜館隨處都有，但齋新加坡嘅就唔係咁易可以搵到。呢間位於銅鑼灣登龍閣嘅A.T.A.S，食物價錢親民，而且味道正宗，選擇亦都唔少，最啱未有得去新加坡旅行嘅朋友嚟止下癮先😋我哋見到個鹹蛋骨，就忍唔住叫嚟食！啲排骨上面全部鋪滿好濃烈嘅鹹蛋味，好邪惡，但好滿足！至於叁岜魔鬼魚亦都好吸引到我哋嘅眼球，因為唔係度度地方都有得食魔鬼魚，佢好滑溜嘅魚肉配埋上面自製嘅叁岜辣椒醬，真係相當嘢惹味！最後，我哋仲叫咗個沙嗲米粉，個沙嗲汁好濃郁，配埋啲米粉嚟食真係食到停唔到口！另外，不得不提嘅，呢度都有好多唔同種類嘅飲品提供，尤其係凍嘅特飲，但我哋今次就清清地揀咗斑斕薏米水同埋美祿飲，但其實佢其他特人真係非常吸引，不過下次總有機會再試嘅。