黑門水產すいさん (棉登徑)

日本菜真係食極都唔厭,好容易就有得食。比較中意呢一間,因為燒物一流而且多選擇。我地叫左海膽蟹甲羅燒,師傅係我地面前細心咁燒,好香,食落有蟹既鮮味,又有海膽既味道,非常之好味,可以2人share,亦可一人獨食。另外叫左海膽燒元貝,大大隻既元貝同海膽互相輝映,好有創意。想食海鮮於是叫左鐵板海鮮,有八爪魚、鮑魚同埋蝦,多口味得黎好濃味,正呀!鐵板令到海鮮食落更加有風味!鰻魚飯有蛋絲,又有濃濃既鰻魚汁,鰻魚燒到好軟林,正呀!食左好多野,二人埋單大概二百,相當抵呀!