Sky726

餐廳好有氣氛同情調，中間有bar位，窗外又可以望到彌敦道嘅夜景，好啱黎慶祝。半打生蠔🦪好耐冇食生蠔啦~今次有2款生蠔，分別來自愛爾蘭同蘇格蘭。愛爾蘭生蠔，蠔味比較濃，帶子位好鮮甜，而蘇格蘭生蠔帶有海水味，肉質爽口彈牙。😋焦糖低溫浸鵝肝👍🏻平時係食煎鵝肝多，今次食低溫慢煮嘅鵝肝，口感特別軟滑細緻，加上面層有焦糖脆面，突出鵝肝嘅味道，濃郁又甘香。🤩香煎美國頂級安格斯肉眼扒🥩叫咗三成熟，外層煎得好香，食落有香濃牛味，脂肪同肉質比例均勻，口感嫩滑，好好食，必叫之選！😋意大利手卷意粉伴野菌、辣肉腸及巴馬臣芝士🧀第一次食意大利手卷意粉，好有口感，濃郁嘅芝士同汁掛係意粉上，辣肉腸帶有些少辣，同蕃茄粒一齊食就更開胃🤤