一坐低首先就有一碟前菜，呢碟酸菜集鹹、甜、酸於一身，令人相當開胃。
食潮州菜又點少得滷水鵝片，呢碟鵝片份量相當多，足兩層厚，而且每片餓肉都相對地厚身，絕對係抵食。
而喺底層仲有滷水豆腐，入味得嚟口感仍然嫩滑。
除咗滷水鵝片，蠔餅都係必點菜式。汕頭蠔仔洛充滿淡淡的蛋香。
1
蠔仔份量相當多，而且每隻都咁肥美飽滿。
蝦棗同蟹棗可以雙拼，酥炸蝦蟹棗都唔需要額外加錢。
蝦棗口感彈牙。
而蟹棗更多一份鮮味。
椒鹽鮮魷嘅炸漿唔算太厚，魷魚彈牙。
潮州芋泥口感綿滑，甜度適中，更加能夠襯托出芋頭嘅香味，鋪面嘅白果口感變得煙韌，食完感覺甜絲絲。
