唯一雲貴川風味

营业中

休息中

好耐無黎過呢間歷史悠久既米線鋪。同男朋友識個時仲係讀書時期，第一餐就帶左我黎食米線。一黎排返幾十分鐘是常識吧。等左20分鐘終於入到去啦！姐姐依然用住一貫豪邁既作風落單，今次我都係食返最愛既小窩腩肉豬皮米線。廢話唔多講，小窩腩肉豬皮米線實係首選濃郁既湯底配上入味既米線，仲有浸左係醬汁多時入晒味既腩肉同埋豬皮，選擇小窩係因為有埋肉碎係面入口既層次更豐富。另外可以走酸，個人口味可以自行選擇。溫馨提示：唔食得辣既記得叫唔辣！