七福神和食亭

营业中

休息中

哩間嘢個名都聽咗好耐，今日約朋友食飯傾計，就揀咗哩間食，貪佢居酒屋咁樣，好多唔同款日本嘢食。芝麻雞翼雞翼烤得香脆，咬落雞肉嫩滑多汁，調味啱啱好。玉子燒玉子燒軟綿綿，蛋香濃郁，甜度剛好，簡單得黎唔失水準。鐵板燒牛舌牛舌燒得外脆內嫩，薄切口感爽。咖喱牛肉撈烏冬咖喱濃郁，牛肉份量勁多，食極都仲有。烏冬彈牙掛汁，撈埋食好香口。唐揚墨魚咀墨魚咀新鮮炸起熱辣辣，咬落爽彈有嚼勁，調味對我黎講略鹹咗少少，如果飲酒嘅話用送酒一流。鹿兒島鰻魚飯團鰻魚飯團醬汁甜鹹適中，鰻魚肥美嫩滑，飯團粒粒分明。網燒牛扒牛肉汁多味濃，肉質都幾軟熟，配埋上面幾片蒜片，好香。七味炸雞籃炸雞外皮香脆，肉質嫩滑，份量多，有芝士醬可以點黎食，多一種口味。鮮柑桔青提子梳打芒果乳酸沙冰兩杯嘢飲都唔錯，唔會太甜，食咗咁多煎炸嘢用黎解渴就啱哂。整體黎講食物質素唔錯，款式真係好多，想試多啲都食唔落。環境方面，座位闊落，燈光光猛，侍應好好服務，即使我哋係坐喺角落少少嘅位置，佢哋都好勤力卙水、收走食完嘅碗碟或者睇下有冇咩需要，值得一讚。