影片
更多
2021-10-12
2845 浏览
早排去會展行書展，經過新鴻基中心，見到呢間新開嘅韓式燒肉貊炙，今日就約埋老公特登過嚟二人世界。當日吸引我哋目光嘅就係呢個放滿Dry Aged Steak嘅肉櫃。所謂dry-aged意思即係經過幾個星期風乾後嘅牛肉，熟成嘅過程會將牛肉入面嘅水份蒸發出來，令牛肉嘅風味更加集中，並且令肉質變得更軟更嫩滑。我哋想試熟成牛肉好耐，難得遇上呢間餐廳，於是就揀咗呢個餐廳推介嘅Steak Omakase。韓式前菜除咗有必定出現嘅泡菜之外，仲有水泡菜、大葱沙律、芽菜、醃蟹仔同茄子，而且呢度嘅所有韓式前菜都係可以無限追加。我自己就特別喜歡醃蟹仔同茄子，少少辣味非常醒胃。呢個set仲可以自選Appetizer，我哋就揀咗和牛他他。他他係將和牛製成三成熟，仲有提供紫菜同醃蘿蔔混合一齊食，入口即溶嘅他他肉質非常嫩滑，味道不錯。韓式蒸蛋雖然看似簡單，但其實充滿蛋香，混合蟹籽同蟹柳一齊食，無論大人定小朋友都會好鍾意。Steak Omakase分別有熟成醬油牛肋骨、和牛羽下肉、韓國五花肉，而是日熟成牛肉就係美國極級和牛。熟成醬油牛肋骨嘅肉質果然好柔軟又嫩口，再加埋用醬油醃製過，真係無懈可擊。而韓國五花肉看似肥膩，但經
當日吸引我哋目光嘅就係呢個放滿Dry Aged Steak嘅肉櫃。所謂dry-aged意思即係經過幾個星期風乾後嘅牛肉，熟成嘅過程會將牛肉入面嘅水份蒸發出來，令牛肉嘅風味更加集中，並且令肉質變得更軟更嫩滑。
我哋想試熟成牛肉好耐，難得遇上呢間餐廳，於是就揀咗呢個餐廳推介嘅Steak Omakase。
韓式前菜除咗有必定出現嘅泡菜之外，仲有水泡菜、大葱沙律、芽菜、醃蟹仔同茄子，而且呢度嘅所有韓式前菜都係可以無限追加。我自己就特別喜歡醃蟹仔同茄子，少少辣味非常醒胃。
呢個set仲可以自選Appetizer，我哋就揀咗和牛他他。他他係將和牛製成三成熟，仲有提供紫菜同醃蘿蔔混合一齊食，入口即溶嘅他他肉質非常嫩滑，味道不錯。
和牛他他
30 浏览
0 赞好
0 留言
Steak Omakase分別有熟成醬油牛肋骨、和牛羽下肉、韓國五花肉，而是日熟成牛肉就係美國極級和牛。熟成醬油牛肋骨嘅肉質果然好柔軟又嫩口，再加埋用醬油醃製過，真係無懈可擊。而韓國五花肉看似肥膩，但經過燒烤之後，會溜走多餘嘅油脂，而且五花肉嘅油脂燒烤之後就會變得香脆甘香，所以絕對值得推介。
Steak Omakase
24 浏览
0 赞好
0 留言
和牛三角
$280
45 浏览
0 赞好
0 留言
食過烤肉之後，我哋就揀咗要個涼浸浸嘅平壤冷麵，冷麵汁微微帶酸，非常開胃，而我就特別鍾意佢嘅麵質，口感非常Q彈。
我哋仲分別叫咗荔枝梳打($42)同提子梳打($48)，味道清甜而且仲有新鮮果肉。
最後食埋甜品，雲呢拿雪糕上淋上熱焦糖醬，真係食到甜入心！
我覺得呢一餐真係一個好好嘅體驗，無論食物質素定服務都非常優質，Steak Omakase以$380/位呢個價錢享用到呢種質素，呢餐真係令我好滿足！
张贴
