長阪燒 (已結業)

日本生蠔，名叫日之雪花，好大隻肉厚，有淡淡的海水味和淡淡嘅蠔味，肥美易入口，上檯之前清得好乾淨，夠凍保持到個新鮮度，即開即食，味道鮮甜絕無腥味 口感一流，超正！松葉蟹蓋蟹膏依款蟹膏亦係一道值得推介嘅菜式 而蟹膏好香濃 蟹膏天然鹹香味令我好開胃 熱辣辣咁食簡直係會衝擊味蕾🥣清酒煮蜆啲蜆肉質細嫩，清酒燉煮得啱啱好，帶啲清香味，啲蜆汁又好鮮甜，真係好開胃。海膽海鮮杯，海膽杯嘅賣相好精緻，雖然睇落細細杯，但係材料好豐富，除咗有海膽之外，裏面仲有吞拿魚、三文魚籽、蟹肉等等，食落每款食材都十分新鮮鮮甜。有機菠蘿，菠蘿好鮮甜好多汁，可以將油膩感同飽濟感一掃而空。雲丹天婦羅，紫菜包海膽天婦羅，好特別，炸過嘅海膽會硬身少少同紫菜包住一齊炸 食落好脆口，雙重口感，又食得出海膽的鮮甜。梅酒，是自家釀製兩年期的梅酒，入口很香的梅子味，帶甜容易入口，真不錯。