香茅椰糖烤雞翼
原隻燒雞翼大大隻，用上椰塘烤，食落仲會有香茅味。
瑪萊沙嗲
沙嗲雞串燒充滿風味，醬汁剛剛好。
胡椒肉骨茶
呢個肉骨茶用個鍋滾住夠晒熱，肉骨茶超足料，有一字骨、豆卜、蘿蔔，腐竹，一字骨肉質好腍，每一啖湯都充滿胡椒味，飲落好暖胃。
少爺海南雞飯
海南雞好嫩滑，配上油飯更加香。
香草青檸汁蒸釀魷魚
馬拉蒸魷魚真係第一次食，魷魚入邊仲要釀豬肉餡料，魷魚蒸到十分腍，第一次食到呢個口感，大推！
蝦仁通菜
惹味蝦仁通菜類似馬拉盞炒菜，帶有少少辣，配飯一流。
雙色糕點
甜品方面有經典雙色糕，當然唔少得我最愛嘅椰汁西米露糕，夠晒椰味。
斑蘭咖椰多士
壓軸出場當然有招牌斑蘭咖椰多士，外層多士烤得十分酥脆，中層夾滿斑蘭咖椰醬，超級好食。
飲品方面叫左荔枝玫瑰梳打和橙汁，荔枝玫瑰梳打成杯粉紅色打卡一流，飲落都唔會太甜。另外抵讚之處係係鮮榨橙汁，滿滿誠意。
下次嚟尖沙咀行街可以順便食埋呢間馬來西亞菜，夠晒滿足。
