原作養生湯米線

营业中

休息中

見YouTube 推介就黎試吓， 但睇餐牌都好貴揀唔落手。套餐比散叫貴$30左右， 配小食同飲品， 2個人叫左一個套餐，2個小食， 唔係好夠飽， 不過試吓就算😂♡ 蟲草花膠雞湯米線餐$98上枱好大煙， 但唔熱😂 鋪頭主打湯水， 雞有4塊， 雞肉唔係好靚， 米線好冧， 無乜特別。♡套餐小食：桂花蜜糖雞翼 （3隻）桂花蜜糖好好食， 雞翼有炸過， 唔會好油膩。 散叫$25，如果套餐揀唔岩， 都可以考慮散叫試下。♡餐飲：凍檸檬柑桔♡ 油醋海蜇花 $58份量唔多， 聽講海蜇花唔係周圍有得食， 但無乜特別🤪 同普通海蜇無分別，但貴一倍。♡ 黃金炸魚皮 $35好味， 份量唔多， 上枱暖暖地，脆口，咸蛋黃汁都夠， 個底無汁都食得出咸蛋黃味。