原作養生湯米線

【九龙城区】【原作养生汤米线】今次嚟到黄埔呢边揾食，唔想吓吓都食快乐蜂，就喺佢附近睇吓仲有咩选择。见到呢间「原作」有位而又未闩门，就用佢啦。店员就算好似就收舖都依然好殷切咁招待我一人入座，冇明示或暗示叫我快啲，系抵赞嘅。因为我真系慢慢拣，个餐叫「自由选」嘛。我就叫 $98 嘅「北海道鲜鸡龙虾汤米线」，以自费食碗米线嚟讲都唔平，龙虾味系好浓郁，鸡肉都好味，仲有帆立贝喺度，不过硬系好似唔夹咁，唔知点解，样样都好，但有种拼埋一齐就好似怪怪哋嘅感觉。我都有叫「优惠价追加小食」，啲嘢其实唔差嘛。加 $18 要咗两只「桂花蜜糖鸡翼」，普通咗啲。反而加 $14 嘅「鸡汤浸娃娃菜」有惊喜，鸡汤本身够醇，娃娃菜又劲甜劲索汁，估佢唔到呀吓。嘢饮方面，我加 $3 饮冻「洛神花茶」，正正常常啦，冇乜特别。埋单 $133，系有心思整嘢食嘅米线舖嚟嘅。。。（地址：红磡必嘉街120号黄埔花园三期翠杨苑地下34号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am九龙城区 #黄埔 #红磡 #1am红馆 #原作 #原作养生汤米线 #自由选 #北海道鲜鸡龙虾汤米线 #桂花蜜糖鸡翼 #鸡汤浸娃娃菜 #洛神花茶 #1am1758 #1ambackup…Read More

假期中午时间入到间餐厅唔多人，都觉得伏伏地之后落单，叫咗个花胶鸡米粉叫完餐唔使2分钟就上菜，心谂都知不妙结果真系，首先米粉完全冇米味，米粉系透明𠮶只，食落去好似橡筋咁，已经唔讲入唔入味索唔索汤，如果有心做，唔该转返一只正常啲嘅米粉至于个汤底冇鸡味，唔似系用鸡煲出嚟嘅汤，似揾啲鸡嘅精华开水出嚟花胶都唔好食，似系咬擦子胶，唔系一块块一个午餐$78一碗，真系吹大咗，中一次伏就够太多网媒打手吹嘘呢一间餐厅，讲到几好食，全部都系假㗎…Read More

坊间养生餐厅越来越盛行，当看见这类型店子，少不免会一探究竟。小食分别有炸虾丸和麻辣鸭血。裹以红米来炸的虾丸再度以荔枝的形态出场，脆卜卜的香口小食，很难使人抗拒得了；况且虾肉食得到鲜美，相当不错。鸭血没有煮过头，麻辣味不会太抢，主食乃北海道鲜鸡龙虾汤米线。喝一口汤，已感受到虾汤的威力，龙虾的精华已溶入汤里，好龙虾！鸡件不小，兼且滑溜，最妙的是竟然沉浸在虾汤里还保留本身的鸡味。米线滑是滑的，谈不上惊艳，不过尔尔。可以说食过番寻味。…Read More

叫左“北海道鲜鸡龙虾汤米线”同“虫草花胶鸡米线”2个餐，除左汤算正常之外，鸡老少肉；套餐话包热饮，冻饮要加$3，我要左“自家罗汉果茶”同“柠檬红茶”，店员话得冻，我就被迫加左$6，唔会再黎🫣😤😤…Read More

第一次食红磡养生汤米线，叫左招牌海龙皇汤泡饭。食完睇返个广告相都争好远下。我个碗系得龙虾同帆立贝，同广告比系无左带子，蚬肉，粟米等。都成$150碗，相同广告几有距离。咁当然我食完先见至原来争咁远都无计啦。纯粹睇完衞诗雅过嚟都真系几失望。…Read More