餐廳分開兩個區域，一邊中國風，一邊土耳其風，我今次就揀咗土耳其風嗰邊用餐🤭
呢邊嘅牆身有好多熱氣球，仲有土耳其風嘅民族布、抱枕、馬賽克吊燈、餐盤，連9格調味料盤同豉油壺都充滿民族風，喺度打邊爐真係幾好feel🫶🏻
1
🍲招牌花膠雞湯鍋 $318 ⭐️極度推薦🫶🏻
✰塊花膠大過我塊面呀‼️🤣
✰用大量三黄雞熬製而成，半隻雞同厚花膠另上，個湯滾起之後店員會先幫手剪花膠落去，雞件本身已經慢煮約7-8成熟，要食嘅時候先放落去烚3分鐘就食得😃
✰打邊爐之前要飲返兩碗濃雞湯先！
✰花膠真係勁厚又夠膠🤤 雞件亦好滑！
❀手切頂級安格斯牛肉（細）$248
✰擺盤賣相靚，雪花油脂平均，牛味濃口感有嚼勁。
❀餃子拼盤（10粒）$148 ⭐️推薦🫶🏻
✰黑松露蟹肉餃、蟹皇豚肉餃、韭菜豬肉餃、足料鮮蝦雲吞、白松露野菌豬肉餃，5款餃子各2粒。
✰一次過試晒5款餃子🤩5款嘅味道都好大分別，各有特色，我最鐘意係蟹皇豚肉餃，蟹油味勁香🫶🏻 餃子粒粒都乒乓波咁脹卜卜好大隻！食完我已經飽咗😂
2
❀特盛蔬菜拼盤 $128
✰擺盤好似一盆花🌸💐白蘿蔔、蕃茄同埋南瓜仲特意用竹籤串起裝飾。
✰份量多到兩個人食唔晒🥹 仲有娃娃菜、油麥菜、木耳、金菇等等。蔬菜索晒雞湯之後超好食！
❀鹹蛋黃炒炸魚皮 $88 ⭐️推薦🫶🏻
✰極邪惡推薦，鹹蛋黃控必食🤤
✰魚皮脆到不得了！上檯後熱辣辣食好正！怕熱氣嘅朋友放入鍋內烚一烚，都仲係脆㗎😂 感覺無咁熱氣（誤）
❀蜂蜜菊花烏龍茶 $68
✰用地球儀裝住好得意😍 連斟飲品都要打咭🤭 味道唔會太甜，啱晒打邊爐解渴。
