玉桃軒酒家 (鱷魚恤中心)

营业中

休息中

玉桃軒酒家位於九龍觀塘區的中心地帶，毗鄰大型商場及港鐵站,是一間高級粵菜食府,環境設計寬敞高雅，華麗水晶燈飾更顯氣派，好適合各類的商務應酬及喜筵等聚會。酒樓晚飯時段有多款不同優惠，其中至尊自選組合都好抵食。$388 包括京烤片皮鴨一隻及自選菜式一款。京烤片皮鴨：鴨都好大隻，即叫即烤，由工作人員在客人面前切片，片皮鴨外皮酥脆鬆化，肉質嫩滑，餅皮厚薄適中，入口煙韌，再配以青瓜、韭黃和甜麵醬，絕對係最佳配搭。自選菜式：揀咗黃金蝦球，味道鹹香的咸蛋黃包住炸得非常香脆嘅蝦球。一入口就有香濃嘅咸蛋味，而且非常爽口。清蒸沙巴龍躉：肉質嫩滑，以蔥、薑及自家蒸魚豉油同蒸，可以勾出魚肉本身鮮味，蒸魚豉油不會過鹹，鮮甜嫩滑味道剛好。飯後還有紅豆沙糖水送，紅豆冰煲到起晒沙，甜度啱啱好。