影片
更多
2022-05-31
87 浏览
途經旺角，見到好喜歡食又價錢合理嘅酸菜魚，決定入去試吓。成間舖頭整體環境整潔，唔會覺得好大油煙。811貨錢合理，食物分量一啲都唔細，我地兩個完全低估左佢，一個regular size嘅酸菜魚已經食到飽飽地😂🌶必食冷鍋酸菜魚（ Regular）（ $215）811門口貼滿冷鍋酸菜魚poster，就知佢係主打菜🤣雖然佢叫冷鍋，但係酸菜魚上菜已經煮熟煮熱，咁樣就唔洗成鍋一路煲住，令啲魚變得好老☺️regular size嘅冷鍋魚肉份量、配料：寬粉、芽菜、金菇都好多，三至四人食都可以。魚肉嫩滑，魚湯濃郁、鮮甜，值得一試！🐄手切肥牛（大） （$148）打邊爐感覺一定要有肥牛，所以叫咗啲大嘅！不過如果兩個人食份量就有啲多。肥牛嘅質素都好高，肉質好，絕對唔係出面嘅任食肥牛。值得一提嘅係店員將肥牛切成細細塊，一口食一片，正！🌶水晶寬粉（ $42）食酸菜魚最喜愛之一，一定係配寬粉。所以我哋額外加多左個水晶寬粉，份量都好多。同酸菜魚嘅湯底好合襯，佢煮得耐的話都唔會太過淋。推介比寬粉控👍🏻🌶川北涼粉（ $45）川北涼粉既味道適中，唔會太鹹或者太淡。如果多一點蒜，味道更佳！麵質方面，唔會太硬太粉🍞炸小饅頭（6個
811貨錢合理，食物分量一啲都唔細，我地兩個完全低估左佢，一個regular size嘅酸菜魚已經食到飽飽地😂
🌶必食冷鍋酸菜魚（ Regular）（ $215）
811門口貼滿冷鍋酸菜魚poster，就知佢係主打菜🤣雖然佢叫冷鍋，但係酸菜魚上菜已經煮熟煮熱，咁樣就唔洗成鍋一路煲住，令啲魚變得好老☺️regular size嘅冷鍋魚肉份量、配料：寬粉、芽菜、金菇都好多，三至四人食都可以。
魚肉嫩滑，魚湯濃郁、鮮甜，值得一試！
🐄手切肥牛（大） （$148）
打邊爐感覺一定要有肥牛，所以叫咗啲大嘅！不過如果兩個人食份量就有啲多。肥牛嘅質素都好高，肉質好，絕對唔係出面嘅任食肥牛。值得一提嘅係店員將肥牛切成細細塊，一口食一片，正！
🌶水晶寬粉（ $42）
食酸菜魚最喜愛之一，一定係配寬粉。所以我哋額外加多左個水晶寬粉，份量都好多。同酸菜魚嘅湯底好合襯，佢煮得耐的話都唔會太過淋。推介比寬粉控👍🏻
🌶川北涼粉（ $45）
川北涼粉既味道適中，唔會太鹹或者太淡。如果多一點蒜，味道更佳！麵質方面，唔會太硬太粉
🍞炸小饅頭（6個） （ $52 ）
小食炸小饅頭，絕對推介！外觀炸到金黃色，入口外脆內軟，又唔炸到好油膩，係食川菜必食推介之一🤤
张贴
