喫茶ちょうぼ

营业中

休息中

早前同閨蜜去過世貿呢間日式cafe，覺得啲嘢食都幾好味，環境又舒服，好啱傾偈。最近K11 都開咗間新分店，二話不說再encore。 一入到去就好似去咗日本咁受到職員熱情嘅款待。呢間分店同銅鑼灣有啲分別，尖沙咀K11分店走日式古典風，裝修設計都以深色格調為主；而銅鑼灣世貿就文青風，顏色以淺啡色和室感覺為主。 明太子蛋包意粉🍝：餐廳主打蛋包系列，所以係必點嘅。上網睇一切開個蛋就好似張被咁打開，包住成個意粉，切開嘅蛋好流心，好嫩滑濕潤，配埋明太子醬嘅意粉，味道相當配合，魚籽鮮甜，意粉食落亦感覺好creamy，非常美味。 南蠻炸雞以南蠻漬法醃漬，酸酸甜甜嘅南蠻醋和他他醬，開胃又美味！炸雞香脆，配合埋椰菜絲一齊食無咁油膩。 牛肉芝士漢堡🍔：漢堡表面烘香過，咬落去漢堡有微微脆口感。入面包住牛肉，芝士🧀，生菜同蕃茄，咬落去非常juicy，口感層次極為豐富🤩！ 適逢日本櫻花盛開🌸，餐廳都配合推出一系列“希望綻放櫻花祭”嘅食品，甜品方面點咗個櫻花日式布甸船，賣相好吸引，啱晒影相打卡。包括櫻花洋羹同埋焦糖日式布甸。 櫻花洋羹以櫻花為造型，上下層粉紫和粉紅色交替，望到咁靚都唔捨得食😍，洋溢著啖啖櫻花清香味。