MAMTOM

今日黎到尖沙咀呢間格調fusion bar，環境勁靚好有feel，燈光柔和牆上亦好多裝飾，黎吹水食野飲野gathering一流！呢到主打越式西餐，好多款式選擇，酒款cocktail都不少，戶外坐位仲可以shisha添越式牛肉湯河，最特色既係湯底連埋牛骨髓一齊煲，食既時候可以將啲骨髓放入湯到，成個湯好香濃牛味，骨髓食落軟滑幾得意，湯河唔會煮得太淋仲係好彈牙，差啲連個湯底都飲晒！DIY米紙卷，有菠蘿、青瓜、醃青木瓜同蘿蔔、生菜、越南香草，自己包好之後加上佢既特製醬汁，酸酸甜甜少少辣好開胃morning glory蒜頭炒通菜，無乜油好夠味，蒜頭炸過黎好香口西冷牛扒五成熟，面頭仲見到啲烤紋，聞落都已經勁香，軟身唔會硬，唔洗醬汁都夠晒味甜品當然唔少得，榴槤糯米飯配椰子雪糕，用高腳杯裝好靚！面頭係榴槤同椰子雪糕，中間好多榴槤肉好香，連埋底下啲糯米飯食好正好有特色！