我哋係9點後入場$398一位，全單八五折（只限星期日至四），呢個價錢有刺身拼盤＋2.5小時任食雞煲、新鮮海鮮放題、燉湯等。另外＋$20 就可以任飲，仲有啤酒揀，真心覺得物超所值！
刺身拼盤超靚嘅擺盤，包括有吞拿魚魚蓉、八爪魚、鯛魚、北寄貝、螺、蝦等等，非常新鮮。
花膠雞煲花膠色澤金黃通透，雞肉嫩滑，味道香濃！雞煲係可以任食，食完之後就可以換任食火鍋湯底！
新升級霸王海鮮拼盤嚴選優質海鮮，龍蝦、鮑魚、蟹、大蝦、扁貝都非常新鮮，特別喜愛大蝦同蟹，有膏，超鮮甜！
任食火鍋湯底都有幾款揀，最後點選咗芫荽皮蛋湯，落埋海鮮一齊滾，超香超美味！配料方面選擇種類繁多，包括海鮮類、肉類、丸類、菜類等！仲有份手切安格斯牛肉，牛味濃郁，完全唔難咬！手打黑松露墨魚滑亦都好值得點嚟食，味道鮮甜香口，口感彈牙好食！正！
1
