古今二 (荃新天地)

营业中

休息中

行完書店打書釘，朋友食埋個午飯，就係同層揀呢間古今二。蟹柳沙律作為蟹柳嘅愛好者，呢個沙律就非常滿足到我。一絲絲蟹柳疊高扮富士山，上面再鋪上脆片同蟹籽，睇黎都流口水，好食。自家玉子燒玉子燒本身已經夠好味，食落甜甜又似雪左嘅豆腐，上面再加芝士同蟹籽去燒，味道好夾，好味道。煎餃子比預期中好食，底部煎得脆口，入面豬飲餡料好香，點少少醋汁提升味道，大滿足。超級龍卷風材料包括鰻魚，海老，芝士，青瓜同脆片，口感豐富，佢嘅卷物唔會太多飯，比例岩岩好，材料搭配又好夾，有特色！蜘蛛當然我都要揀個有蟹柳嘅卷物先滿足。呢款有青瓜，蟹柳，牛油果以及炸軟殼蟹。佢嘅卷物都有搭配唔同topping同汁醬，炸軟殼蟹夠晒香口，青瓜加蟹柳都幾清新，仲有牛油果食落滑滑，好滋味！