四妹廚房

营业中

休息中

荃灣呢間「四妹廚房」，真係有驚喜！鋪頭唔算大，但菜式夠晒地道，仲有啲住家湯水飲，好啱我呢啲成日出街食飯嘅打工仔。 首先叫咗杯冰凍羅漢果去濕茶，甜度啱啱好，飲落好潤喉，啱晒夏天消暑。今日餐湯油粉葛涼瓜煲排骨湯，真係無得輸，湯頭清甜得嚟帶少少苦甘，飲完成個人舒服晒，阿媽煲嘅味道啊。馬來咖喱雞扒：咖喱香濃但唔會太辣，雞扒煎得啱啱好，嫩滑唔柴，啲配菜薯仔和薯仔超入味，撈飯食簡直一流。蒜頭豆豉蒸深海泥鯭：魚肉鮮甜冇腥味，豆豉同蒜頭嘅香味滲入魚肉，好有漁村風味。椰汁粉絲白菜: 估唔到用椰汁煮菜咁夾 ，粉絲索晒汁，白菜煮得淋甜。紅燒乳鴿：皮脆肉嫩，咬落去仲有肉汁爆出嚟，蘸少少淮鹽已經夠晒味。