南瀛水產

仲未可以正式飛到唯有去居酒屋食個暢快一解鄉愁。呢度真係好似日本啲水產居酒屋，食客放工約埋三五知己邊食邊飲邊吹水，好有氣氛!蟹味噌甲羅燒 :店員先將鵪鶉蛋倒出同蟹膏搞勻，然後將甲羅燒放在烤爐上面燒，燒既時候已經聞到陣陣香味，非常吸引。燒完左既蟹羔同蟹肉真係非常好味，仲食到一粒粒既蟹籽，味道同口感都好豐富。另外主要叫左刺身同壽司，因為朋友比較鍾情食sashimi，點咗海膽刺身、五點刺身盛同壽司盛。其實呢度既刺身、壽司同水產一樣，都有一定水準，所以除咗點水產外，刺身都係一個好選擇。令人驚嘆嘅係個海膽刺身，上枱時個賣相已經好靚，味道仲超級鮮甜，令人回味無窮!海老天婦羅: 天婦羅炸得非常好，炸粉好薄而且鬆脆，海老亦新鮮彈牙。