海都車仔麵茶餐廳

营业中

休息中

今晚會同老公出去食飯，所以晏晝就唔想食咁多，於是就去旺角熟食中心食碗車仔麵。除左有六十幾款嘅餸任揀之外，麵底都有九款。枱上有香蔥、辣椒油、紅醋、豆瓣醬、辣椒醬，客人可按照自己嘅口味任加。除咗車仔麵，呢度都有即叫即炒嘅碟頭飯餐，而且價錢都唔貴。但眼見大部分客人都係食車仔麵。豬紅咖哩齋蘿蔔河粉 + 凍檸檬茶 $33$33 有三餸包埋嘢飲好抵，餸嘅份量都多，豬紅大大件微辣，咖哩齋好入味， 蘿蔔冇渣好好食。河粉就比較碎， 用筷子食就比較困難。嘢飲唔理熱定凍都唔使加錢。