發達叉燒

营业中

休息中

灣仔最近有一間燒味店超級紅，大推佢哋嘅叉燒，於是一探究竟。餐廳非常多人，我哋同朋友放工過去都等咗一陣先有位，叫咗招牌叉燒雙蘭王蛋飯，茅台豉油雞燒鵝飯，鵝汁西蘭花苗及有冇味精例湯。佢哋招牌叉燒真係冇得輸，非常淋身唔會柴口，亦都冇街邊燒味檔咁重口味，梅頭叉燒仲要係厚切簡直冇得輸，配上兩隻蘭王蛋撈飯，下次一定要叫多飯。茅台豉油雞就算係雞胸唔會乾身，對比起普通豉油雞增添一份香氣。燒鵝啱啱出爐，外皮香脆，鵝油豐富，係一份出色嘅燒鵝。見到佢份時蔬亦非常吸引唔係用豉油而係換上鵝汁，西蘭花苗吸收晒鵝既精華，唔鍾意食菜嘅朋友，亦都會忍唔住一條接一條。最後傳統燒味飯梗係要配返碗老火例湯，無味精嘅冬瓜豬骨湯作為結尾。