竹面譜

营业中

休息中

小店往往會令人驚喜，就好似呢間响太子嘅街坊小店確係唔惹少，價錢親民到唔敢相信🤑，幾十蚊可以食到鹿兒島直送嘅A5和牛丼，仲有隻日本［刺身級］夢王蛋添🤩。🥢夢王和牛丼 $68鹿兒島直送嘅頂級A5和牛，油脂分佈超靚，入口即溶之餘仲帶有甘甜嘅牛香味，另一重點就係橙紅色蛋黃嘅刺身級夢王蛋，蛋香味濃郁，煮法可以揀溫泉蛋、流心蛋、太陽蛋及生食，我哋揀咗生蛋，再加入醬油撈混一齊食，每啖飯都滋味無窮😋。🥢鮑汁冬菇花膠鍋配關廟麵及時菜$168湯底超濃郁冬菇香味，裏面嘅冬菇大大件，又香又腍滑，花膠軟腍，入口感覺充滿骨膠原，而且非常入味，另外再加配咗兩粒水餃$10及牛筋丸$10，牛筋丸牛味濃又爽口；主角嘅鹿兒島直送A5和牛及刺身級夢王蛋，同樣都係正到無朋友，個湯底吸收哂和牛嘅精華，緊係要用 關廟麵索湯汁一齊食喇。🥢瑤柱上湯浸蘿蔔$22口感超綿腍嘅蘿蔔浸响清香嘅瑤柱上湯，入口爆汁，清甜好味。🥤呢度仲有自家製嘅涼茶，加配價$10，可揀微糖或無糖添，我哋叫咗無糖嘅金銀菊花薏米及去濕茶，清清爽爽，仲可解膩添。呢間店舖嘅工作人員服務態度好好又親切，再加上食物質素高，價錢親民，果然性價比高，唔怪得之咁多熟客仔喇👍。