泰樂小排檔

营业中

休息中

話說呢排我同朋友去咗油麻地搵嘢食，無意中發現咗呢間「泰樂小排檔」，一見到泰國人主理，仲要係家庭式經營嘅小店，即刻被吸引咗。一入到去，雖然間鋪唔大，但係好有家的感覺，啲裝修簡簡單單，勁有泰國街頭小食檔嘅風味。一坐低，我哋就叫咗幾道菜嚟試。泰式燒牛肉一上枱已經聞到陣陣香料味，牛肉外層炭燒得微微焦香，入面仲保持住粉紅色嘅鮮嫩。牛肉嫩滑多汁，調味香料味十足，仲有微微嘅辣味，配埋清新嘅青檸汁，酸辣交織，真係勁開胃！泰式木瓜沙律脆口嘅青木瓜絲加埋花生碎，酸甜鹹辣四味俱全，每一啖都係驚喜。泰樂雞類似海南雞咁，再淋上特製嘅甜辣醬汁，又香又辣又甜，醬汁仲要夠晒濃稠泰式炒雜菜就比較清新爽口，唔會太油膩，菜仲保持住爽脆嘅口感，味道有啲魚露鹹香，仲加咗啲泰國香料，食完重口菜之後，呢個算係解膩嘅好選擇。至於香葉肉碎煎蛋飯（牛），呢個真係驚喜！煎蛋煎到啱啱好，蛋黃仲流心嘅，一開就流晒出嚟，混埋香葉牛肉碎，香氣四溢，配埋啲白飯，超開胃👍🏻牛肉碎炒得香口彈牙，配埋泰式香葉同辣椒，勁正宗最後，飲品泰式奶茶沙冰真係必飲嘅！濃郁嘅茶香同埋甜甜嘅煉奶味完美平衡，加埋啲幼滑嘅冰沙