羲和雅苑

营业中

休息中

去羲和雅苑為咗嘅一定係馳名片皮鴨，我地3丁友去，叫半邊鴨。鴨仔有大師傅立即切比你，襯碟成set好中國風。鴨仔肉分3種，鴨胸皮，鴨胸肉，鴨腿肉。鴨胸皮十分香脆，跟爆炸糖同藍苺，十分新穎。鴨胸肉呢係跟芥末一齊吃。而厚肉既腿肉就以平時燒汁跟蔥以薄餅皮包起黎吃。無論味道心思都一流。 叫左個磯燒鮑魚，真心好評，佢既燒汁十分入味，難得在伴碟嘅蘿蔔絕不遜色於鮑魚，應該花了不少時間去準備。另外叫了炸蝦球，蜜糖芥末濃郁，蝦肉鮮甜。個菜同鴨肉既鍋係意料之外，清而肉味甜。另外一字骨和荷葉飯亦不錯，一字骨可送幾碗飯，荷葉飯上檯識出煙。三個人點的食物剛剛好食得哂，好飽。