樂天皇朝 (青衣城1)

营业中

休息中

呢一排樂天王朝已經成為我嘅飯堂，今日又來食。紅油抄手份量唔算少，小小辣，幾惹味。餡料份量足，唔會淨係食到皮，味道幾好。話梅骨有驚喜，酸酸甜甜，又唔會太酸太甜，好好食。不過每一舊都比較細，有大部份都有骨，食得唔夠爽。薑汁芥蘭雖然份量唔算多，但廚房有用心將芥蘭比較粗嘅地方去皮，所以食落去完全冇渣，好嫩，雖然完全食唔到薑汁味，但都算滿意。雪菜肉是拉麵比較少湯，係咪太夜啲湯用晒？拉麵味道一向好，口感煙韌。豆沙鍋餅賣相我覺得麻麻地，顏色太白，所以冇食。小籠包一向好食，皮薄餡靚，湯汁豐富，肉有鮮味，趁熱食最滋味。最後附番張單，免得寫太多次同一間，俾OpenRice 以為我係打手😂