翠豪園餐廳

营业中

休息中

荔枝角區真係好多大大細細茶餐廳，留得住多過十年就無得邊幾間，咁又唔係代表佢哋特別好喎，呢區人流實在多，夾雜寫字樓商店住宅，你唔再幫襯咩？！大把人盲盅盅盅入嚟。就好似今次寫嘅呢間翠豪園，好多人就一路閙一路繼續幫襯，我都消化自己點解每月都梗有一兩次入去食早餐⋯⋯我通常會食A餐嘅炸菜肉絲通（$31），無得❎轉米粉或麵，煎雙蛋配牛油餐包，個餐包比起大家樂個牛油餐包實在細人一大節，大家樂呢個餐都唔駛3字頭，好彩個炸菜肉絲通味道唔錯，有D微辣令到碗通粉有層次感，呢杯檸水影相效果好似厚厚地，但實際三片都唔夠沖到杯有檸檬味嘅水，仲帶苦澀添🤢