法國飯店

营业中

休息中

老公專誠揸車🚘同我去呢間法國餐廳晚餐🍽️, 環境優雅, 既浪漫又chill, 啲餐又正, 服務員態度誠懇專業, 下次要約埋朋友黎分享下先👩‍👩‍👧‍👦(法式芥末野菜焗無骨鹹豬手)放置清爽味甜既露筍同無骨鹹豬手🍖一齊食, 係唔錯既配搭, 無骨鹹豬手係拆好切開分件上碟, 比原隻豬手上碟更理想更方便食用, 鋪在面既法式芥末醬令全份菜更出色！(酥皮龍蝦湯)酥皮又酥又香脆, 龍蝦🦞仲好新鮮, 啲肉好多汁有鮮味又清甜, 我地share食得好滋味！(黑松露野菌湯)我地都一致認為個黑松露野菌湯🍵勁好飲！個湯有好香既黑松露味，仲感到有好多野菌粒喺裡邊, 好快就飲晒！(香脆焗深海鱈魚柳配南瓜蓉忌廉汁)厚切既深海鱈🐡魚柳煎得頗甘香又趣嫩，啖啖肉幼滑又和味, 咬落仲有魚油滲出尼, 南瓜同埋忌廉汁兩樣味道好夾又勻混, 南瓜蓉既南瓜味好香又creamy, 食落齒頰留香！