Sky726

朋友介紹呢間位於旺角鬧市中嘅西餐，第一次上去食，居高臨下見到旺角夜景，環境幾浪漫，臨近萬聖節，餐廳都有裝飾過。黑松露薯蓉 $88呢個薯蓉朋友強烈推介，薯蓉口感幼滑，creamy，黑松露味道濃郁，完全唔膩。法式油封鴨伴紅酒橙汁 $258油封鴨腿係法國名菜之一，係我最鍾意嘅，鴨腿肉質軟嫩，一點都唔鞋，可以一絲絲拉出黎食，肉味和濃，配埋紅酒橙汁醬汁酸酸甜甜好夾。秘炸雞軟骨 $88雞軟骨炸到脆卜卜，無咩油膩感。香草燒春雞 $188春雞上面鋪滿香草，香草味道濃厚，打開春雞仲見到肉汁，另外薯角用左啤酒粉漿去炸，薄身好脆口。