阿閒泰 (K11購物藝術館)

今日行過K11 Art mall，見有啲肚餓，又想食泰國嘢，所以就走咗入去阿間泰。泰國嘢，香港真係好多，要做得出眾真係好難🧐，但係呢間阿間泰真係做得唔錯，又有少少fusion嘅味道👍🏻！淨係一坐低叫嗰兩杯嘢飲已經飲得出分別。首先，個西柚汁好新鮮應該係即炸，更加特別嘅係個氮氣冷泡檸檬🤯，泡沫豐富，真係十足生啤嘅感覺😍！

頭盤嚟咗個即燒豬頸肉配青芒沙律。真係唔好睇小即燒呢兩個字，啱啱燒起嘅豬頸肉🐷真係香口好多，同翻熱嘅真係兩回事！個椰汁雞湯更加特別🐔！因為佢係椰奶底，比起平時飲開嗰啲更加絲滑，椰香味更加出🥥！

主菜個雞肉青咖喱同樣出色，辣到適中之餘，個咖喱汁仲好杰身，絕對唔會水汪汪🤤。個汁咁出色，就梗係叫個蒜蓉包點點佢，點知原來成餐飯最震撼嘅竟然係個簡單嘅蒜蓉包❤️！牛油同蒜都好十足，絕對唔係求其得嗰少少嗰啲，仲要看到外脆內軟，一定encore ！最後配埋個泰國香料十足嘅香辣炒通菜，飽飽💯！