今次我地過左尖沙咀行街買野，帶住BB最方便都係行商場，我地行完一輪就黎左K11 Art Mall呢邊，順便就係度食埋飯，揀左間環境幾好，又闊落既泰菜餐廳食飯啦🇨🇷泰式香辣醉貓炒豬肉手工卷粉（$ 138）個卷粉既口感幾特別，佢係似卷起身既河粉咁，而且係有少少水晶皮既感覺，幾煙韌，個粉炒得好惹味，佢又唔會有好乾既感覺😋棕櫚糖炭燒三黃雞半隻（$188）份三黃雞半隻都幾大份，佢燒得個皮小小脆咁，雞肉嫩滑，佢用棕櫚糖燒，有微奧既甜味，同埋好香既燒烤味，另外再配上一條燒菠蘿，都好香甜🐥香辣炒通菜（$88）泰式通菜，好翠綠，雖然叫香辣炒通菜，但唔算好辣，有d蒜香同埋幾夠鑊氣🥬原味泰茶配自家奶茶雪條（$68）呢杯飲品好正，佢係一個自己沖既奶茶，再浸入奶茶雪條，條雪條好好食，成枝香滑奶茶咁，浸入杯茶度少少溶溶地幫杯茶加味又得，又靚，又有得食有得飲，我好鐘意🍨阿閒泰氮氣冷泡檸檬茶（$58）呢杯檸檬茶個茶味比較濃，一般既檸檬茶就可能比較甜，氮氣就飲唔出有咩特別，我就覺得呢杯茶少甜重茶味都幾好🍹呢間泰菜餐廳我覺得幾好，佢坐得舒服，野食都有心思同埋靚，最鐘意一定係杯奶茶雪條，岩曬打卡又好味😄…查看更多
!真係好差上網睇返其實好多人都話呢一間嘢啲服務態度好差"
