羲和雅苑

营业中

休息中

早前同朋友兩個人去左尖沙咀，我地兩個揀左呢間餐廳食飯，因為呢到有得食片皮鴨~片皮鴨黎到呢到當然必點就係片皮鴨，係呢到未食過片皮鴨又點叫黎過羲和雅苑呢~ 呢到嘅片皮鴨有中式同西式嘅食法，夠哂創意，半隻鴨兩個人食係非常之足夠，我就鍾意食中式傳統食法多啲，薄薄嘅麵皮包住京蔥、燒鴨同醬汁，一啖食哂，好滿足，好鍾意京蔥清爽嘅口感磯煮飽魚冰鎖飽魚食法，飽魚質感好彈牙入味，先有秘製醬汁嘅鹹香味再慢慢帶出鮑魚嘅鮮味，值得推介，我地好快就食哂~黃扒魚肚以南瓜汁做湯底再加埋好厚身嘅魚肚，南瓜汁好濃郁，食落有香甜嘅南瓜味，魚肚掛滿南瓜汁，煮到好腍身，好好食，非常之高貴精緻嘅一道菜。和牛粒干煸口蘑用左日本宮崎A3和牛同蘑菇炒製，炒得恰到好處，日本宮崎A3和牛好腍身，油香味豐富，用料豐富又不失貴氣。牛油芝士焗大蝦芝士包圍住成隻大蝦，蝦肉彈牙又鮮甜，仲有濃郁嘅芝士香味，芝士控大愛，我地都食到停唔到口。紫薯燕窩蒸蛋白到尾聲，一定要叫番個甜品ENJOY一下，入口即溶嘅蒸蛋白，加埋香甜嘅紫薯同燕窩，呢個甜品真係夠哂正。