南瀛水產

如果想食新鮮海鮮又唔想去遠，其實尖沙咀有間日式居酒屋好正，佢哋有自家養海鮮嘅魚缸，仲有人幫手燒烤！一定要試下佢哋嘅南瀛卷，食完超幸福嘅！🦀蟹味噌甲羅燒 $78有蟹膏、鵪鶉蛋、蟹籽同蟹肉，配搭味噌同葱花，拌勻後燒烤，口感綿密，蟹味濃郁。🍣南瀛卷 $288賣相好豪華！卷物上面鋪咗海膽、吞拿魚蓉、牡丹蝦同三文魚籽，入口鮮味爆發！仲好細心俾咗隻匙羹仔方便食三文魚籽。🐟鹽燒白鰻 $58兩面都烤到金黃色，帶有微微嘅焦香，入口魚嘅油脂會滲出！🍗汁燒珍寶雞腿肉 $38嫩滑多汁嘅雞腿肉，配上香甜嘅燒汁，燒烤後充滿濃厚香氣。💦南瀛海鮮盛盒 $588海鮮盛盒有6款海鮮，包括生蠔、鮑魚、帆立貝、蜆、蝦同帝王蟹腳，店內有魚缸養活海鮮，保證每款都新鮮。店員燒烤純熟快手，仲會將鮑魚剪開一條條，方便食用。🍹青蘋果乳酸 $68🍹巨峰乳酸 $58📍 南瀛水產尖沙咀金馬倫道5號太興廣場5樓