金色不如帰 (H Zentre)

营业中

休息中

今日行完尖沙咀SOGO, 買完化妝品。就去咗旁邊一間新開嘅商場H Zentre, 搵嘢食。 見到有間日本拉麵店攞咗幾年米芝蓮獎項。 一看店名，原來就係同事介紹話超好食嗰間金色不如歸。最出名嘅就係用60斤大蜆熬製嘅拉麵湯底！ 不如歸在銅鑼灣亦開了新分店名為「牡蠣不如歸」，仲有得食全港首間「牡蠣黃金湯」湯頭拉麵店。貝汁鹽味拉麵 $128 （鎮店之寶，必食）蜆肉湯每朝用新鮮60斤大蜆肉熬製，再加入魚湯同豬骨湯。清淡得來，好重蜆肉味。非常鮮味，再飲多兩啖，就飲到少少魚味同豬骨味。拉麵亦採用幼身麵，碗內有2塊豬，低溫叉燒及三層肉。 再加上白松露油、提鮮發揮到極致。 在麵面上加上香菜（翡翠苗，火箭菜及羅勒碎）再加上京蔥 及 超碎嘅煙肉碎。好食到無得彈！我將成碗湯飲晒。貝汁醬油拉麵 $128醬油味比麵濃，無貝汁鹽味拉麵 咁重蜆肉味。 喜歡濃味嘅朋友，必選此拉麵食。 拉麵內同樣有2塊叉燒。包括1塊低溫叉燒，1塊三層肉。此拉麵是落黑松露油及陪青蔥。還加入牛肝菌粉及牛肝菌油，將鮮味提鮮。一口芝士脆豚 $70使用優質豚肉釀入香濃芝士，配上日本直送嘅麵包糠。外皮非常鬆脆香口，外皮點咬都唔會同豬扒分開，緊貼著。