黑門水產すいさん (棉登徑)

店舖裝修真係誠意滿滿，一入到去已經置身喺日本居酒屋嘅感覺，真係好有去日本嘅感覺，地方都算闊落。海膽蟹味噌甲羅燒，佢個味道唔會話超級濃味，食到海膽同埋蟹膏味，雖然係濃味嘅配搭，但係食落都會食到入面配料嘅味道，配埋梳打餅一齊食唔會太漏剛剛好，梳打餅如果唔夠可以叫店員加。牛肉金菇，呢間啲燒物做得好好，水份控制得啱啱好。日式安格斯牛肉鍋定食，入面都好多塊牛肉，係靚牛肉嚟嘅好重肉味嗰種，配埋飯食真係一流，個鍋仲有好多配菜吸咗湯汁嘅味道超級好食。龍蝦湯海鮮鍋定食，我好鍾意佢個龍蝦湯，飲落去好重海鮮味好好飲，佢入面都好多海鮮，有帆立貝、蝦、魚、魷魚、仲有幾隻蜆勁新鮮勁甜，勁好味，個鍋入面勁多菜，仲有芋絲全部都比我食晒。仲有個茶碗蒸超級好食，勁多蛋好厚身嘅，同埋入面有蝦、三文魚籽同埋冬菇。