一喜車仔麵

营业中

休息中

最近同朋友們去開尖沙咀，諗住食車仔麵就搵到呢間喺慶坊地下嘅一喜車仔麵。全部餸嘅味道都唔錯，價錢都ok，可以一試！呢度幾特別嘅係佢地有銀針粉揀，另外仲有啲小食同埋飯。車仔麵方面，我地3個人試左佢嘅秘製黃金雞湯、又叫左好多款餸試一試，倒如：雞翼、豬手、豬皮、炸墨魚丸、有魷魚粒的魷魚丸、瑞士汁雞翼、水魷魚、蘿蔔、咖喱魚蛋🫶🏻我地都覺得除左蘿蔔，可能因為唔啱季節唔夠腍之外，其他全部都好入味又好食。值得一讚佢嘅丸類多、而且彈牙。肉類方面都夠嫩。而豬皮索曬啲湯都好正，嗰黃金雞湯夠甜同濃，幾好！另外小食方面，我哋叫咗香辣單骨雞中翼，估唔到又幾大隻，仲要上到嚟熱辣辣好酥脆😋另外仲叫左一碗紫菜四寶，入邊有牛丸、墨魚丸魚皮餃等等，加埋嘅數量都有好多粒，各有特色👍🏻最後叫咗腐乳通菜同蠔油生菜，都ok！如果大家經開尖沙咀又想食車仔麵，不妨試吓呢一間～而且最近呢個商場都多左好多新舖加盟，可以去睇一睇！