烏蠅館一定係我哋公司最受歡迎嘅人氣餐廳頭3位！
👑湯底：麻辣湯底
OMW食開小辣，辣得幾開心！
如果第一次食呢間麻辣，一定建議BB辣先，之後再加上去；因為有同事會覺得BB辣都已經好辣，但我又覺得BB辣唔夠辣啦🔥辣度呢啲好個人感覺嘅，自己揀返自己辣度啦～
如果唔食得辣嘅話，滋補菌湯都唔錯，打開蓋會聞到好香菇菌味～
👑配菜
可多可少，任君選擇，想4餸/6餸/8餸都得。貪心的OMW表示次次都係叫8餸😍 以下呢7個餸係我嘅長期選擇：娃娃菜、唐生菜、黑豚肉、雞中翼、牛筋、貢丸、蟹籽丸💕 每次食完8餸都大滿足啊！
🥬菜類：
喺烏蠅館食菜幾開心，菜類份量都算大方，多過肉/丸固定份量，又健康。最推薦娃娃菜，次次食都覺得甜！
唔知呢度有冇芫茜愛好者呢，有得加$1加芫茜，份量唔係話芫茜山咁多，但1蚊有咁多都超正～
另外，根據非正式統計，䈑筍同風琴豆腐串都係人氣，次次外賣都好多人叫呢兩個。
🥩肉類、丸類：
最鍾意牛筋，有3-4粒，滿滿的骨膠原！其他肉類/丸類都係2舊。丸類嘅話，鍾意蟹籽丸、貢丸；蟹籽丸都係好多人揀，咬開好食又有粒粒籽粒嘅口感。
⭕️麵底：粉絲
麵底佢都有好多選擇，但因為外賣緣故，我鍾意粉絲，因為唔會好似其他咁變咗一餅好難撩開，係外賣時舒服食麵嘅選擇。
⭕️串燒：雞肉🍢
雞肉串燒表面少乾，裡面其實有汁、都算滑。平時仲會叫雞翼串燒，都係滑滑的，幾好食～ 食肉獸表示有肉食好滿足🙈
⭕️西瓜鮮果茶
十幾蚊唔會好高期望。其實佢外賣杯好pro，有飲品舖嘅膠面封杯，平時中杯size。檸檬鋪面，飲落係淡淡嘅茉莉花同西瓜味，微甜，杯底有勁多西瓜粒粒，飲到底都仲剩好多西瓜粒粒，開心！
💜溫馨提示1：有得走蒜、走芫茜～
OWG第一次食佢，佢仲係啱啱開張仲係樓上舖，果次冇嗌走蒜，個蒜味喺個口度維持咗兩三日，之後我都一定走蒜或者𢳂走啲蒜，咁會冇咁強烈🙈
💜溫馨提示2：佢真係係重口味，嗌外賣嘅話，全office都會知你食緊烏蠅館😂😂😂
📍烏蠅館（外賣-尖沙咀）
✨亮點：OWG鍾意佢個麻辣湯底同有好多餸揀，超適合想試好多嘢嘅人！
🙇🏻♀️特別嗚謝：勞苦功高、日曬雨淋嘅外賣員！
