韓脈 (帝國中心)

营业中

休息中

炒牛肉粉絲 🥢呢度嘅其中一個招牌菜，果然冇令我哋失望。粉絲煙韌又入味，雜菜同牛肉都好多，非常足料～50cm長韓式雞蛋卷🍳呢個一嚟到真係俾佢嘅size嚇親！個蛋卷真係好大份而且每嚿到好大件！蛋捲甜甜地，入面有芝士、泡菜、生菜唔同配料，食落口感好豐富又唔會濟！蜂窩五花腩🐖呢個五花腩非常厚身，本身我哋都擔心會唔會好難燒，不過好彩係店員幫我哋燒。食落肉質好鬆化，外脆內軟，餐廳有俾一兜生菜，可以好似食生菜包咁夾住啲五花腩嚟食，感覺好清爽🥬牛舌🥩牛舌非常厚切，同埋有好多塊，好抵食。咁厚嘅牛舌喺燒肉譜真係好少見，好有咬口牛五花肉🥓一份有好多塊，牛五花肉呢個部位油脂比較多，所以燒起上嚟好甘香。同埋佢個調味係甜甜地，又唔會蓋過本身啲肉味👌依間即係帝國中心嘅韓珍，只係最近改咗名做韓脈。嘢食味道整體都唔錯份量又大，而且店員好貼心全程都幫我哋燒肉，加上價錢唔貴，CP值高！