韓脈 (帝國中心)

营业中

休息中

去咗尖沙咀帝國中心「韓脈」食韓國菜，店舖由韓國人主理，假日去食咗個Rotating Pot Pork Belly BBQ set! 食材放入旋轉鍋內會炒熟，感覺幾新奇🔅前菜點餐後店員就送上多款韓式前菜，泡菜、醃蘿蔔、翠玉瓜、菠菜、雞髀菇同沙律菜！新鮮泡菜冇得輸，口感特別清脆！🔅五花腩炒飯份量都好多，店員會幫忙放入旋轉鍋炒至半熟，再加入蘆筍、粟米芯同蒜頭，最後再加入飯、泡菜同紫菜炒香，炒得均勻香口惹味，炒飯炒出嚟好大碗！五花腩可以用生菜包住食，加上蒜片同韓式辣醬一齊食，層次豐富惹味🔅純豆腐辣湯豆腐好大磚，鍋內仲有蜆肉、蛋、菜粒同蔥，覺得唔算好辣，可以再辣啲就好喇，飲完暖笠笠🔅醬油蟹配牛油飯另外加點咗隻醬油蟹，都幾大隻而且好多膏，蟹肉鹹香鮮味，留低少少蟹膏用嚟撈飯勁邪惡！！牛油飯上有隻生蛋黃，仲有大量紫菜碎，攪拌後食味道濃郁香口