韓脈 (帝國中心)

营业中

休息中

週末過嚟尖東呢邊買嘢，順便食我最鍾意嘅醬油蟹😋韓脈之前嚟過，地方就腳，就喺帝國中心地下高層。上次印象好深刻，醬油蟹特別鮮甜。呢度啲店員個個都好Nice。牛胸肉大醬湯成鍋湯好足料，滿窩都係牛肉同豆腐。大醬湯湯底令到豆腐好入味。牛肉都好嫩滑一啲都唔嚡。五花肉 配泡菜炒飯首先將五花肉擺入自動翻炒機中，炒熟咗之後就可以夾生菜點醬食，仲可以因應個人喜好加入生蒜辣椒。全程由店員喺你面前操作，聞落好香。剩返煲裏面嘅豬油會加入白飯、泡菜、洋蔥、紫菜。估唔到呢個配搭啲炒飯出奇地香。😍醬油蟹 配紫菜飯醬油蟹真係每次嚟都會必點，蟹膏好鮮甜。蟹肉嫩滑。拆咗肉之後仲可以撈落附送嘅紫菜飯裏面一齊食。超正。