甜一點 (已結業)

係旺角食完lunch，想食啲甜品，搵到間幾多款式又幾新穎既甜品店，「甜一點」。一入去就粉紅色做主題，都幾有少女風，仲有啲打卡位。見到menu唔係淨係得甜品，仲有burger、沙律、蓋飯、牛扒同雞扒。所以晏晝食lunch黎又得飯後甜品黎又得。叫左個雪燕燉蛋白，估唔到雪燕都幾多，同埋熱辣辣幾暖身。另外叫左個桃膠雪燕木瓜百合紅棗蓮子杞子，桃膠都幾大粒，呢個組合幾養生，清清地咁幾好食，而且仲有幾多木瓜，又有雪燕幾岩食。最後叫多個原味小黃人窩夫，本身有一球雪糕配搭，但想加多球所以加多$20，咁個窩夫到新鮮即整熱辣辣，夾埋雪糕食好味。仲有配幾粒西瓜同蜜瓜，好睇又好食。喺旺角嘅康仔度食肆林立，搵到間甜品店都幾好食，環境幾岩打卡之外食物又多選擇，價錢又平民。