甜一點 (已結業)

💕粉紅控必到 餐廳裝修大部分都係粉紅色， 天花都吊左粉紅色嘅乾花，餐具都係粉紅粉紅。打卡真係好靚。座位闊落，新派甜品店嘅裝潢，好啱同姊妹黎食甜品傾偈🧇韓式牛牛窩夫 $98牛角包窩吞好鬆脆，牛油味好香。配有兩球雪糕 分別係椰子味同芒果。仲有波波粒西瓜同哈密瓜。🥭芒果小黃子 $58芒果沙冰底， 配上小丸子，西米同埋芒果雪糕。仲有大量芒果粒粒。芒果沙冰夠甜夠味，小丸子煙煙韌韌。🍼手工芋圓小丸子燉蛋白 $48暖笠笠啱晒冬天食，蛋白夠滑夠香。不過小丸子同芋圓份量就比較少。餐廳仲有好夠熱食，例如all day breakfast 同burger, 有興趣都可以試下。