鼎泰豐

营业中

休息中

鼎泰豐 尖沙咀店嗰日突然想食小籠包，見到附近有間鼎泰豐，記得之前食過覺得ok，仲以為等位要等好耐，點知下晝去到唔使排隊，人流明顯比以前少咗好多。今次嗌咗豬扒麵同埋小籠包，小籠包嘅水準比以前下降咗，肉汁唔夠鮮味，而啲皮都厚咗，整體嚟講小籠包嘅味道變得好一般，招牌菜嚟講有點失色。而豬扒麵既味道唔錯，豬扒炸得好香同埋脆，同時唔會好油，係拌飯或麵嘅好選擇，湯底既層次感似乎唔係幾夠，不過連埋豬扒一齊食都ok。整體嚟講，價錢少貴，而菜品種類都多，不過份量比較少，味道亦唔係特別出眾，水準方面都比以前退步左。