鼎泰豐

牛腱麵、擔擔麵、上海炒年糕，好好味，小籠包七色小籠包蟹粉小籠包必定選擇，擔擔麵口水雞都很好味飲茶就去鼎泰豐食小籠包，甜品都好鍾意好滿足，亦都係一家大細之選，鍾意銅鑼灣嗰間快靚正！ …查看更多

同屋企人嚟 食下上海野，總係穩陣唔失望。小籠包一籠六隻，汁多肉嫩，皮薄但唔黏；蝦餃半透明彈牙，燒賣味香唔過黏；干絲炒年糕同時保持嚼勁；炒飯粒粒分明，唔會過火味重。侍應流暢有禮，保持清潔度高。人均 $120–150 公道，用餐速度快但唔急促，適合一家人邊食邊倾；阿媽話「食得舒服，啲味道好熟口」。雖然唔係米芝蓮，但質素穩定，適合任何場合：家庭、朋友、飯局都好啱。小朋友同老人家都容易接受。推介無差評嘅餐廳組合。…查看更多

鼎泰豐的牛肉清燉湯冇得挑剔每次必點雲吞湯拉麵一樣都係高水準料靚新鮮湯鮮甜拉麵都係彈牙冇張口今次試吓紅燒牛湯麵嘩冇得頂招牌小籠包皮薄餡靚湯汁鮮甜絕對係性價比高之選…查看更多

午飯時間過去，唔洗等位，但店內都多人。海蜇蘿蔔- 正常水準 好食 值得叫的小菜菜苗餃 - 味道唔錯 好香菜味 會再叫上海小籠包 - 唔夠熱 味道正常 之後叫多一籠叫佢整熱啲 夠熱既好食好多紅油抄手 - 辣味好香惹味 雲吞份量唔錯 值得一叫醉雞 - 好香酒味 份量ok 可以試總括嚟講 香港嘅鼎泰豐味道正常，但係冇以前咁好食 同埋款式少咗 但如果掛住鼎泰豐可以一試始終唔係成日可以去台灣食…查看更多

做咗幾十年人都未食過頂豐泰，同事啱啱喺台灣返嚟，話鼎泰豐喺台灣要排大隊，好食到不得了！🔥 我就忍唔住，終於試咗香港嘅頂豐泰。👥 我們四人點咗:1. 小籠包*🥟 失望中嘅失望！已招牌菜嚟講，真係差啲。小籠包size細，而且肉餡無湯汁，真係唔掂。2. 素餃🥟🥗 雖然樣靚，但一食落去有股苦澀味，感覺好奇怪。3. 醉雞 🍗🍶 尚可接受，有雞味同酒香味。但係雞胸位置依然鞋嘅。4. 肉絲蝦仁炒飯🍚🍤 份量細但味道合格。蝦仁爽口但只係得兩粒5. 蒜蓉炒菠菜苗 呢個就炒得好食 不過都係好細碟📍 地理位置算唔錯， 但係裝修比較舊。不過空間寬敞， 坐得舒服。🔗總結我的用餐體，openrice推介都算中肯。三個字來形容，ok啦！👍…查看更多

不知道是不是近年来资金压力太大餐厅为了控制成本，之前好多经典菜不做了，害得我们白跑一趟。而且现在菜单上吃来吃去就那几样，种类少了很多不说，菜做的也不如以前好吃了。…查看更多

鼎泰豐 尖沙咀店嗰日突然想食小籠包，見到附近有間鼎泰豐，記得之前食過覺得ok，仲以為等位要等好耐，點知下晝去到唔使排隊，人流明顯比以前少咗好多。今次嗌咗豬扒麵同埋小籠包，小籠包嘅水準比以前下降咗，肉汁唔夠鮮味，而啲皮都厚咗，整體嚟講小籠包嘅味道變得好一般，招牌菜嚟講有點失色。而豬扒麵既味道唔錯，豬扒炸得好香同埋脆，同時唔會好油，係拌飯或麵嘅好選擇，湯底既層次感似乎唔係幾夠，不過連埋豬扒一齊食都ok。整體嚟講，價錢少貴，而菜品種類都多，不過份量比較少，味道亦唔係特別出眾，水準方面都比以前退步左。…查看更多

鼎泰豐幾時都咁多人星期日下晝2.幾去到 唔駛排隊🕑小籠包 $70 6隻好明顯見到小籠包個頂包得厚🫓用筷子夾落去 已經冇以前咁脹卜卜咁多湯🥢一咬落去唔係好多湯 豬肉味道都係正正常常雖然啱啱蒸好 未去到熱到食唔到♨️ 普通水準蟹粉小籠包 $148 6隻🦀味道的確係豐富啲 會見到蟹黃喺裏面但蟹肉就唔多見食落個蟹味唔係好出 咬落未去到爆汁台式紅燒牛肉麵 $94🍜好明顯唔係啱啱煮出嚟 因為淨係暖個湯比較清 而且啲面係白色幼細嘅面 類似上海麵有四嚿牛 一個牛筋兩個牛腩位🐄炆到淋嘅 正正常常加加埋埋啲茶芥兩個人成$400又唔係好飽…查看更多

鼎泰豐以前都是我喜歡的、常去的餐廳，但是疫情期間已經發覺水準下降，昨天再去更是不堪。炸豬扒，肉非常嚡，豬扒是有煎過或者炸過的顏色，但送來的像是蒸過一樣，完全沒有香口的感覺，不禁令我覺得是預製菜。清炒蝦仁，也是沒有鑊氣，味道淡，台式酸辣湯和蛋炒飯也是味道淡。小籠包的豬肉也是很嚡，香菇素餃子皮的褶位有點硬，可能是急凍過吧。基本上，我們點以上的菜全是失望。因為已經失望了好幾回，應該以後唔會再去鼎泰豐了。…查看更多

前幾日同朋友去尖沙咀，剩低唯一一間鼎泰豐，因為掛住啲小籠包同埋湯麵，點知入到去，發覺原有嗰啲好舒服嘅卡位座位都已經改晒，裝修過，變成好多方枱位，再冇得好舒適咁五、六個人，自成一國，傾吓食吓，就已經有啲失望，坐低叫咗招牌小籠包、湯麵、炒飯等等，首先發覺小籠包啲水準真係下降咗好多，小籠包嘅餡料以前非常鮮味，湯汁亦都好豐富，而家包皮厚咗，包餡裏面的鮮肉餡亦都變得好鬆散，肉汁亦都唔夠鮮味，然後再嚟咗一個清燉牛腱湯麵，以前啲清湯係好有牛肉味，但係唔油膩，好清，真係可以飲，而家覺得嗰種鮮味已經少咗好多，反而多咗嘅係調味料嘅味，牛腱就不過不失，份量亦都OK，但係呢湯麵就真係唔得啦，以前嗰啲湯麵係彈牙同埋爽口嘅，而家嗰啲黐成一團，即使加咗湯汁，之後再泡過，都係冇咗以前嘅水準，另外一個蝦仁炒飯，就叫做係最保持到，蝦仁雖然唔係新鮮蝦，食得出係雪藏嘅，但係起碼都夠大隻，同埋說雪得來都係鮮甜，炒飯好乾身，加咗蛋之後好有質感，香口有蛋味，係幾個點嘅餸裏面，最能夠保持水準嘅。雖然下午茶嘅時段人流好少，招呼亦都唔錯，不過因為覺得試過嘅食物啲水準都跌咗好多，裝修又再冇以前咁舒服，所以下次應該唔會再去啦，除非係去返佢喺台灣嘅本店啦，否則都係試過第二間算吧啦。…查看更多

晚餐唔知食乜嘢好，行吓行吓就去到呢一間，鼎泰豐，見到佢哋都唔需要等位等好耐，就決定食佢啦，因為尖沙咀實在太多人啦，去到邊度都要等位。講返頂泰豐佢哋嘅食物先，真係有好多唔同嘅選擇，小籠包，一定要叫啦，最估唔到嘅係，今次竟然叫咗個流沙奶皇包，意想不到咁好味。仲有佢哋嘅醉雞嘅酒味係非常之濃郁。之後仲有佢哋出名嘅豬扒炒飯牛肉麵等等全部都係出名嘅台式食物。總括而言味道真係非常之好。晚餐如果揀咗鼎泰豐，值得嘅。…查看更多

今日約咗啲親友食飯，諗住搵一間 有水準嘅中餐廳同啲親友食 聚餐， 之前都聽人講鼎泰豐 屬於中餐 廳 嘅名牌， 今日一於嚟試下尖沙咀嘅鼎泰豐 位於新港中心3樓， 地方好大， 枱與枱之間 都有一定距離所以唔會太嘈吵。 餐牌上都多選擇 價錢唔算好貴， 不過原來好細碟每樣好似前菜咁 嘅size😅， 我哋四個人叫咗十幾碟 唔同嘅餸菜。台式四季豆： 肉燥 味濃 唔會太鹹， 加埋四季豆一齊食好夾 豆嘅質地煮得啱啱好 ，好味👍四季烤麩：味道調教得啱啱好 又入味👍台式牛肉麵： 牛肉份量 適中， 但係牛筋好硬 牛肉 有啲鞋， 面質好淋， 呢款唔推薦👎蝦仁炒蛋飯： 蝦仁 份量都多 大大粒， 唔會太鹹， ， 米飯炒得唔算好乾身 但 都 好食👍紹興酒醉雞： 酒味唔算好濃， 對於我平時唔飲酒嘅人嚟講 可以接受， 雞肉入味。👍其他餸菜不過不失整體嚟講： 食物都好食 不過唔係 特別 出眾， 以呢個價錢嚟講 ，係有啲失望嘅…查看更多

Just ordered take away from Din Tai Fung. My favorite dish, the xiaolongbao, was just as delicious as always. The sour spicy soup were perfectly steamed and fired rice with pork chop and a veggie with broth. the hot and sour soup, which had just the right amount of spice and tanginess. The pork chop fried rice was another standout dish, with tender pieces of pork and fragrant rice. The vegetables were a nice addition to the meal, providing a healthy balance to the other dishes. Din Tai Fung maybe not is the best, but always keep in this high-quality!…查看更多

台灣最出名台式點心專門店鼎泰豐,位於台北市區,深受本地人和遊客喜愛。餐廳承襲傳統烹調技法,做工精緻。餐廳內採光好,環境清新整潔。除了台灣名點外,也融合新的概念,如以絲瓜和朱古力詮釋小籠包,為客人帶來新鮮口感。多年來餐廳持續揚名,被評為米其林指南推薦餐廳,成為台北必遊景點之一。它保存了台式點心的經典,也在傳統基礎上不斷滋潤,成就餐廳長青的美譽。餐廳名字：鼎泰豐 信義店餐廳地址：台北市大安區 鼎泰豐 信義店第一道菜式:排骨炒飯 肥嫩排骨帶來肉香、飯粒每一粒都包裹其中第二道菜式:紅油蝦肉抄手 新鮮蝦肉和軟Q抄手以紅油調合出獨特口感 第三道菜式:什錦豆干絲 不同種類的豆乾絲質感各異共同演繹嶄新視角 第四道菜式:特色小籠包 外形小巧內含豐富餡料夠满一批 第五道菜式:絲瓜蝦肉小籠包 絲瓜清新的口感與蝦肉相得益彰 第六道菜式:朱古力小籠包 誰人不愛的香甜小籠包試問…查看更多

一家人聚餐想食下中菜, 就揀左係香港中心點既鼎泰豐啦. 環境幾舒服, 一家人坐圓台都幾闊落. 🐟醬汁黃花魚: 呢個睇落幾香口, 味道都唔錯🐔紹興酒醉雞: 醉雞照計黎講應該好正路, 調味都有酒味, 但肉質好奇怪 好鬆散, 好似完全唔新鮮咁. 🫛台式四季豆,四喜烤麩: 兩個菜式都唔錯, 調味夠. 🫓小籠包: 呢個招牌菜黎講都算表現正常, 皮既厚薄適中, 咬開有肉汁幾juicy,  但肉香味就無特別出. 🍖台式酸辣湯,油炸排骨: 正常表現, 就係個d食完一般既感覺, 你唔會話難食, 但都唔會令你想再食. 🍤雞絲蝦仁春卷: 呢個幾脆又無咩油, 入面既餡有唔同口感, 反而係咁多個菜式黎講幾特別. 總結🥢 環境舒服, 但食物味道平平, 如果普通一家人聚餐都可以試一兩次, 但再訪就未必了. …查看更多