立鮨 (富達大廈)

营业中

休息中

好多人都話呢間嘅質素唔錯，都想食咗好耐，今日唔使點排隊，就入嚟試吓。呢間係立食嘅，所以如果唔想企又或者怕攰嘅話就未必啱你啦。不過我覺得唔知係咪因為佢質素真係好，食得好滋味，所以今次企喺度食都唔覺得好攰。應該係因為疫情嘅關係，餐具同器皿都轉咗用即棄嘅。我哋都試咗幾多款壽司，佢嘅壽司飯好好食係用咗赤醋去調味。好推介火炙左口魚邊壽司，火炙左之後啲油脂出晒嚟，入口即溶，非常好食。其他壽司例如火炙中吞拿魚腩壽司，海膽壽司，鰻魚壽司等等都好肥美。呢間壽司嘅質素唔錯，質素同出面貴價omakase 嘅壽司差唔多。不過始終係立食，要企喺度食，價錢就覺得稍為有少少貴啦。我哋之前喺OpenRice度買咗餐飲券，就有得平，感覺抵食啲。想食嘅話都可以留意下有冇折扣，以呢個質素有折扣食嘅話會更加抵食。