影片
更多
2019-05-01
968 浏览
小籠包太多人寫食評，我寫甜品同其他菜式.去鼎泰豐食甜品係日本朋友主意，佢話食過鼎泰豐嘅赤豆鬆餅，迷你芝麻餅，同八寶飯，味道唔錯，所以小籠包淪為配角！赤豆鬆餅：內有甜紅豆蓉 味道係淡淡嘅甜味，口感軟糯，好似糯米口感.迷你芝麻餅：芝麻餡料頗少，所以芝麻味不足.八寶飯：從未食過八寶甜品，八寶飯由糯米制成，味道係三款甜品最甜，我中意濃味，所以哩款最啱我口味，由於用料係糯米，所以離唔開軟糯口感.咸肉粽：餡料只有金華火腿，但火腿唔係好咸，鼎泰豐無沙糖提供，但糯米本身已經有味道，唔需要加調味已經好好味，我比較傳統，如果用咸蛋黃做餡料更好.高湯蒜蓉炒油麥菜：雖然簡單一個炒菜，但都炒得好好味，菜炒得爽脆，相信除咗用料新鮮之外，鼎泰豐㨂咗最嫩口嘅部份黎炒，所以噤好味.台式酸辣湯：味道酸味比辣味更重，可以話係無辣味，最大問題係有種古怪味道，可能因為噤先叫做台式酸辣湯，幸好配料不少，攞番唔少分.紅燒牛肉湯：雖然話紅燒，但湯底係淡淡嘅湯味，牛根煮得極冧，正！蝦肉煎餃：首先底部煎得夠香脆，正！另外餡料足夠，而且餡料有高湯，唔錯.食完之後，味道同質素同台灣正店相差無幾.服務亦唔錯，九點要交枱，食到九點四都無意思趕我
去鼎泰豐食甜品係日本朋友主意，佢話食過鼎泰豐嘅赤豆鬆餅，迷你芝麻餅，同八寶飯，味道唔錯，所以小籠包淪為配角！
赤豆鬆餅：內有甜紅豆蓉 味道係淡淡嘅甜味，口感軟糯，好似糯米口感.
迷你芝麻餅：芝麻餡料頗少，所以芝麻味不足.
八寶飯：從未食過八寶甜品，八寶飯由糯米制成，味道係三款甜品最甜，我中意濃味，所以哩款最啱我口味，由於用料係糯米，所以離唔開軟糯口感.
咸肉粽：餡料只有金華火腿，但火腿唔係好咸，鼎泰豐無沙糖提供，但糯米本身已經有味道，唔需要加調味已經好好味，我比較傳統，如果用咸蛋黃做餡料更好.
高湯蒜蓉炒油麥菜：雖然簡單一個炒菜，但都炒得好好味，菜炒得爽脆，相信除咗用料新鮮之外，鼎泰豐㨂咗最嫩口嘅部份黎炒，所以噤好味.
台式酸辣湯：味道酸味比辣味更重，可以話係無辣味，最大問題係有種古怪味道，可能因為噤先叫做台式酸辣湯，幸好配料不少，攞番唔少分.
紅燒牛肉湯：雖然話紅燒，但湯底係淡淡嘅湯味，牛根煮得極冧，正！
蝦肉煎餃：首先底部煎得夠香脆，正！另外餡料足夠，而且餡料有高湯，唔錯.
食完之後，味道同質素同台灣正店相差無幾.
服務亦唔錯，九點要交枱，食到九點四都無意思趕我地走，而且同正店有同樣服務，當你掛件衫係椅背時，佢地會主動幫你加個套，以免弄污.
最可惜係每款都份量不足，從好果方面睇，咪可以食多幾款菜囉.
58 浏览
0 赞好
0 留言
张贴
