新花清湯腩餃子專門店

营业中

休息中

清湯腩同餃子都係我至愛，見到店名，不能不試。店內有好多得意句子，未食已經開心。二人餐有哂我最愛嘅三款食物，冇理由唔叫吖。蔔蔔清湯牛腩，蘿蔔超甜，牛腩好冧入味。客家鹽焗雞，勁多薑蓉，雞肉嫩，唔肥，味道恰好。野葛菜湯餃子，野葛菜湯應該淨飲會好好味，冇味精，但用唻做餃子湯底略為啖咗少少，餃子隻隻夠大又飽滿，好足料，原本只可揀一樣，因為唔夠數目，所以俾我三併，我覺得我好好彩。紅菜頭餃子，內有紅菜頭、馬蹄、粟米。馬蹄香茜西芹餃子，好香。韮菜豬肉餃子，菜多過肉，我最鐘意。幼麵湯底係清湯腩湯底，好驚喜。我一定會再去幫襯。