影片
以上资料只供参考，请与餐厅确认详情
相信应该系最后一晚探病，前一晚食得太丰富，所以今晚食碗粉就算。醒起附近有间牛腩粉好好食，之前都想试吓个蕃茄汤，所以就过嚟试吓。但系牛腩冇得配蕃茄汤，咁就嗌咗个类似常餐嘅嘢。猪润蕃茄汤米线，另外本身配煎饺，但系佢话冇煎饺，咁唯有焗住食尖椒，妈子太肚饿，所以嗌咗个咖喱牛腩饭。题外话，落完单之后另外一台人嗌二人餐，佢特就可以照叫煎饺，我心底里灰了一下，暗叹厚此薄彼。明明幼稚园搞都唔做俾我，小嬲。同埋个尖椒鱼肉就熟，但系个千焦仲系索索声。好彩玩猪润米线好好味，个猪膶唔会嚡个汤饮完都唔会口渴。另外间餐有埋个野葛菜汤，但系就得半碗到喉唔到肺，亦都试咗妈子碟牛腩饭。牛腩系冇得输嘅，但系个咖喱汁就稀咗少少。好抱歉扣分系扣佢唔煎饺俾我。
继续阅读
星期日约下午五点，无无聊聊行到去佐敦，突然牛腩瘾起，走去新花整番碗牛腩米。假期预咗崩沙腩 爽腩𠮶啲实卖晒，幸运亦都冇喺我身上发生，真系得返普通牛腩！不过都坐低咗就照嗌啦。碗牛腩米嚟到都几失望，一望就知又韧又黐牙𠮶种，放入口就知道濑咗嘢，好难咬完全未煮够身𠮶种感觉😩😩，好彩萝卜同汤仲保持到佢哋嘅水准，如果唔系我真系负评你㗎！仲有见到隔离枱叫嘅饺子，竟然系喺冰柜攞出嚟煮，饺子专门店卖冰饺真系好？或是我少见多怪？今时今日喺香港做饮食都几难，做起咗个朵，有生意紧系好事，但系品质keep唔到迟早都会出事，希望佢哋系偶有失手🫵🏻🫵🏻是日消费：牛腩米 $50
继续阅读
1点去到已经坐满晒人，在门口排队等了10分钟～点知咁早已经卖晒坑腩和爽腩，咁唯有试下清汤牛三宝河粉啦…呢度嘅牛三宝好特别，有牛腩牛肚牛脷，香浓牛味够腍，萝卜鲜甜美味，下次可以叫多份净萝卜。点会少得野葛菜生鱼汤，原来可以清热和降火，依家天气干燥，对生津润肺止咳都有帮助。
继续阅读
🤮🤢想呕，话说慕名帮衬点知一入到去见到个肥阿姐冇带手套包饺子已经觉得不妙，点知食到一半已经听到，佢疯狂流鼻水，跟手拎张纸巾直接擤鼻涕🤧冇洗手之后又继续包饺子🥟🤢🤮🤢🤮差啲想呕出嚟啲牛系好食落单时，个肥阿姐唤狗咁唤其他顾客真心香港仲有d 咁既侍应都真系一个景点有呢个肥阿姐喺度….卫生卫生意识差到咁，真系下次永无帮衬
继续阅读
呢间舖头开咗好耐，不过地方好隔涉！间舖头就喺佐敦同埋油麻地之间，所以每次过嚟都要行好耐！但系为咗食好嘢冇办法！间舖头有好多不同种类嘅食物，主打清汤腩同饺子！当然仲有其他小食。今次大约12:30到达，本来谂住食崩沙腩或者爽腩，不过原来以上两种都未出，定系唔知系咪卖晒？最后只有食坑腩，叫咗碗坑腩米！加净食汤饺子！碗坑腩米嘅份量都唔少，汤底偏甜，食得出有少少味精！但系啲坑腩嘅质素唔错，同埋系新鲜牛腩！价钱好相宜！另外汤饺子都好好食，煎得好脆口，里面好Juicy！呢间舖头系性价比之选！虽然舖头都多人，但系起码唔使排队！
继续阅读