居食屋「和民」 (皇室堡)

营业中

休息中

我對澳門有份不解情意結，無論大街，小巷，海邊，路邊，廟宇，餐廳，教堂，沙灘，都俾我太多太多難忘回憶，一講澳門，總有股強烈感覺不停湧上心頭，久久揮之不去。當知道澳門十號風球過后，居民物資缺乏，即刻兩話不說，運咗d物資去港澳碼頭，雖屬小小物資，但都希望幫到澳門居民，希望澳門快快回復舊貌。另外感謝一班一吹雞就願意馬上幫忙，伸出援手嘅朋友，多謝哂！搞掂完，醫肚啦！過到大島，點都要留一留，先過番九龍吧，於是落咗銅鑼灣，原本想去飯堂意粉屋，裝修，為有轉去食日本菜，去和民。以前好怕去和民，侍應跪係到 service 我自問唔多接受，好彩依家唔再跪底。叫咗客鰻魚山芋木桶飯，精選刺身5品盛，盒子滑蛋豬柳飯。木桶鰻魚飯嘛，唔知用木桶裝有咩好處，食唔出有咩特別，刺身夠新鮮，至於滑蛋豬柳飯，自感無太大特色，但唔會太差，味道適中。最想講嘅係和民d侍應服務唔錯，轉枱都唔會點炸型，另外，哩間和民，對正維園，邊食邊欣賞風景，唔錯。